Boat-Rockerz-265-Pedometer-app

Boat Lifestyle ne hal hi me unke Boat Rockerz 265 Pedometer Bluetooth Earphones India me launch kar die h. Sports enthusiasts ke lie banaya gaya ye earphone apko sirf Rs 3,490 me milega.

Ye device boht hi lightweight build ke sath me ata h. Aur over-ear memory wire form-factor ke sath ata h jo ki apko boht comfortable aur secure fitting deta h.

Press statement me Aman Gupta (Co-founder, Boat Lifestyle) ne kaha. “Ye sports earphones user ki lifestyle se integrate kar ke ek fashion statement define karenge. Boat humesha user ko dhyan me rakhte hue esa product design karta h jo fashionable bhi aur quality audio bhi de sake.”



Hardware Specification:

Boat Rockers 265 in-ear design ke sath me ate h. Jo ki company ke hisab se perfect noise-isolation de sakta h. Iske sath apko Bluetooth v4.1 connectivity milegi. aur ye 10mm ke dynamic drivers ke sath ata h. Iski frequency range 20Hz- 20,000 Hz h. Isme apko 320 hm ki impedance milegi aur 1 KHz p 102 dB ka sound-to-noise ratio milega.

Sabse khas bat to ye h ki Boat Rockerz 265 built-in pedometer ke sath ata h. Jo users ko unki fintness activity record karne me madad karega aur instant notifications bhi dega. Ye itna smart h ki apne exactly kitni calories burn kari h aur kitna distance cover kia h wo bhi bata dega.

Ye earphones A2DP V1.2 aur AVRCP V1.4 standards ko comply karta h. Aur 120 mAh ki rechargeable Li-Polymer battery ke sath ata h. Jo ki company ke according 7-8 hours ka uninterrupted usafe de sakega. Standby time 220 hours. Ek bar charge hone ke lie isko 1.5 hours lagenge. Aur agar apke pas jada charge karne ka time nhi h to sirf 20 minutes ke charge me apko 1.2 ghante ka run time mil jaega.


Additional Features:

Boat Rockers 265 IPX4 rating ke sath ate h jo isko dust and water resistant banate h. Real life me dekhe to apke pasine se aur thodi boht barish se apko ye bacha lega. Fir bhi me to yahi suggest karunga ki isko swimming pool se to dur hi rakho. Ye earphones ek bar me do devices se connect ho jaenge. Jiski wajah se users songs apne pc ya phone me sunte hue kisi aur phone se calls bhi receive kar paenge.

Pricing and Availability

Boat Rockers 265 3,490 Rs ki MRP ke sath ate h. But abhi Amazon par apko ye sirf Rs 1,999 me mil jaenge. Aur sath me apko 1 sal ki warranty bhi milegi.

Buy Now



Boat Rockerz 265 Pedometer Bluetooth Earphones Launched | Rs 1,999
Share:

Comments

comments

Tagged on:

Samyak Talesra

Engineer by education, Blogger by profession, Passionate for technology.Co-Founder at Vyavasthit.com Founder at [email protected] on almost all social media.