S9 vs S8

Samsung Galaxy S9 vs Galaxy S8. Upgarde kare ya nahi?

Samsung S9 ko dekhne ke bad to jada time nhi lagega apko ye pata lagne me ki. S9 boht kuch uske predecessor Galaxy S8 se milta julta hi h. Agar ap kisi average person ko hath me dono devices denge to wo farq bhi nhi nikal paega. Dono devices dikhte bhi ek jese h. Aur sath hi sath andar UI me bhi koi khas changes nahi kie h jo notice kie ja sake.

Fir bhi jin logo ko apne S8 se pyar h. Wo to Samsung se loyal hi rahenge. Aur sath hi har wo naya phone lena chahenge jo Samsung Offer karega. But kya Galaxy S9 worth karta h ki ap usme extra pese invest kare. Abhi abhi to apne S8 kharida hi h. Aur ab S9 aa gaya to kya isme pese lagane chahie? To ye raha uska answer. In cheejo ko dhyan rakhe jab ap apne S8 ko bech kar S9 lene ka soche.

S9 vs S8

Similarities:

Samsung S8 ki design se kafi khush lag raha h. Shayad isilie usme Galaxy S9 ki design me kuch khas changes nahi kie h. Bas thoda sa fark h. S9 ki height sirf 1.2 mm kam kar di h. Aur isko 8 gm bhari kar dia h. Metal aur glass dono hi pehle se thode thick h. But agar apko bataya nahi gaya hota to ap is cheej ko notice bhi nahi kar pate. Notice karne wali bat ye h ki pehle jo glossy look apko milta tha uski jagah ab light texture apko milega. To ye kafi acha change h. Kyuki glossy look ki wajah s fingerprints chap jate the.

S9 vs s8

Physically to ye phones similar hi h. Jiska matlab ye hota h ki abhi bhi apko 5.8 inch ki hi screen size milegi. Sath hi Samsung ka standard 18.5:9 ka ratio, same resolution, curved sides, rounded corners aur Gorilla Glass covering. Sare buttons bhi apni jagah par hi h. Matlab S8 ke jese hi S9 me bhi buttons apko wahi par milenge. Internal storage bhi apko 64 GB hi milegi aur external Hybrid memory card slot bhi. Sath hi 4 GB RAM, Fast charging, Wireless charging aur baki sabhi Samsung Standard cheeje. Fast charging me bhi koi badlav nahi kia gaya h. Wahi Quick charging 2.0 ka hi support apko Galaxy S9 me bhi milega.

Main bat to ye h ki chahe jada kuch badla na ho. But kuch bhi bekar nahi hua h. Ab har sal companies naya kya laegi. Jada expectations rakhna bhi kabhi kabhi galat hota h. To ab bright side par nazar dalte h. Yani ki kya kya change hua h wo jan lete h.


Also Read: Samsung Galaxy S9 Vs iPhone X: What’s the Difference?

Differences:

Sabsa bada change jo Galaxy S9 me kia gaya h. Wo h Bilkul naya camera setup. Jo ki naye “Super Speed” Dual Pixel Sensor aur physically variable aperture lens ke sath ata h.  Sensor ab grain ko reduce aur fine edge processing ko improve karne layak ban gaya h. Jiski dikkat Galaxy S8 ki low-light photography me milti thi wo ab dur ho gyi h. Yani ki ab ap aperture kam kar ke f/1.5 par set kar ke low light scenes me bhi jan dal sakenge. Sath hi naye sensor ki madad se ap super slow motion videos 960 fps ki rate par bhi shoot kar paenge.

Bhale hi battery ko bada na kia gaya ho. But Galaxy S9 ke pas ek efficient processor h jiski madad se jada battery life apko mil paegi. Chahe ap Snapdragon 845 wala version kharide ya fir Exynos 9 wala. Dono hi processor kafi ache h aur apki battery save kar denge.

galaxy_s9_and_s8


Samsung ne claim kia h ki display me bhi change kia gaya h. Ab Galaxy S9 me display S8 se 15% jada bright h. To display bhi kafi acha h S9 ka. Galaxy S9 ki sound quality bhi kafi better h S8 se. Jiski wajah s second speaker jo ki screen ke upar h aur stereo sound produce karta h.

Ek chota sa change aur kia gaya h. Bhale hi chota sa change ho but usability me kafi acha hoga. Fingerprint sensor. Jo ki Galaxy S8 me kafi dikkat deta tha. Boht dur padhta tha wo. But ab esa nahi hoga. Ab apko fingerprint sensor camera lens ke niche milega jo ki reachability bada deta h. Sath hi sath swipe down gesture bhi apko milega jisse ap notification share khol paenge.


Also Read: The Samsung Galaxy S9 and S9+: Here’s everything you need to know

Should you Upgrade?

Me sidha sidha bol deta hu. Boht sare log jinke pas Galaxy S8 h wo upgrade karna nahi chah rahe honge. Samsung ke launch event ke hisab se bhi wo Galaxy S8 users ko target nahi kar rahe h. Boht sari janta abhi bhi S6 aur S7 use kar rahi h. Samsung unhe hi target kar raha h. To agar apke pas S6, S7 ya koi aur dusra phone h to ap ye phone le lijie. But agar already S8 h to upgrade karne me koi sar nahi h.


 

Share:

Comments

comments

%d bloggers like this: