Galaxy-s9-vs-pixel-2

Bhale hi Samsung ke flagship phones Google ko sales ke mamle me boht piche chod de. But isse ye nhi mana ja sakta ki Samsung S9 Google Pixel 2 se jada acha h. Google Pixel 2 android jo kuch bhi de sakta h uska sab se acha example h. Pixel 2 ki launch ke 6 mahine pehle hi Galaxy S8 aa chuka tha. But ab Pixel 2 ke 6 mahine bad S9 aya h. To ab jante h ki konsa better h apke lie?

Sab se pehle to ye dekh lete h ki dono me kya kya similarities h?

Similarities:

samsung-galaxy-s9-vs-google-pixel-2-Similarities
Credits: AndroidCentral

Bhale hi dekhte h boht sare differences apko dikh jaenge in dono phones m. But fir bhi esa boht kuch h jo in dono phones me similar h. Ye bat to sahi h ki in dono ke material aur design alag h. But size ki bat kare to dono lagbhag similar hi h. Ha Pixel 2 chota aur halka h comparatively. But dono hi phones easily hat m aa jate h. Specially jab 6 inch ya usse bade phones ka trend chal raha ho. Ye phones lakh guna ache lagte h. Compact aur easy to use.

??Galaxy S9 Specs

Hardware ki bat kare to apko dono phones me lagbhag similar configuration hi mil jaega. Galaxy S9 ka fingerprint sensor bhi piche h jo ki Pixel 2 ka bhi h. Dono hi phones IP68 water and dust resistance ke sath ate h. 64 GB ki onboard storage, stereo speakers. Battery me S9 age h bilkul thoda sa. Sirf 300 mAh ka fark h dono phones m. But practical usage me Pixel 2 chota packet bada dhamaka h.

Galaxy S8 aur S9 ki design ki similarities ko ignore kare. To ek cheej jisko hum bada upgrade man sakte h. Wo h camera. Aur jesa ki ap sab jante h. Pixel 2 bhi apne camera ke lie mashoor h. To ye kafi interesting hoga dono ke cameras ko compare karna. Excited?


Sabse badi bat to ye h ki camera ko mujhe Similarities wale section me rakhna pada h. Matlab dono ke camera kafi similar hi h. Galaxy S9 bhi Pixel 2 ki hi tarah kafi ache photos click kar pa raha h. S9 ka naya camera sensor same multi-frame advanced processing karta h images ki. Dono phones ko ek sath agar dekhenge to thoda sa fark feel hoga. But agar alag alag dekhoge to dono ke hi cameras shandar h. S9 ka camera thoda truer h scene ke according aur thoda simple h. But Pixel 2 jo photos leta h usme jada coolor, contrast aur drama hota h.

Sabse bada change jo h wo h variable aperture ka. Ab ap aperture kam kar sakte h. Minimum f/1.5 par set karne par apko behtareen low-light performance dekhne ko milegi. But abhi bhi best camera ka taj to Pixel 2 ko hi jata h. But ye kafi khushi ki bat h ki wahi purana camera setup ni aya S9 me jo hume S8 me mila tha. S9 me night photos me bilkul kam noise aur accurate colors mil jaenge.

Sath hi m S9 se ap 4K videos 60 fps par shoot kar paenge. Super slow motion videos jo ki 960 fps par shoot kar sakenge ap. Bhale hi numbers me age ho Galaxy S9 but jab bat ati h stabilization ki. To jesa kaha jata h Baap Baap hota h. Pixel 2 ko koi bhi ni hara sakta h.


Also Read: Nokia 7 Plus launched: Here’s Everything you need to know

Differences:

samsung-galaxy-s9-vs-google-pixel-2
Credits: AndroidCentral

Sirf ek nazar marne se hi koi bhi samajh jaega ki ye dono phones boht different h. Material, Build Quality, Design dono ki kafi alag h. Galaxy S9 ki glass build aur pyare curves aur Pixel 2 ki metal body aur toughness. Dono hi phones ki design apne ap me boht achi h. But ye batane ki jarurat nahi h ki log kyu curved edges wali Samsung ki modern design ko jada pasand karte h. Bhale hi glass back hone ki wajah s phone fragile ho jata h. Har koi Pixel 2 ki rough and tough approach se attract nahi hota h.

Fir, dono phones ki usable screen space me bhi fark h. Galaxy S9 me apko 5.8 inch ka 18.5:9 ke ratio wala display milta h. Wahi par Pixel 2 me apko 5 inch ka 16:9 ke ratio wala display milta h. Jo thoda sa old fashioned ho chuka h ajkal. Ek aur bat jo noticeable h wo h ki S9 ki front body ka 83% screen h aur Pixel 2 me sirf 70% hi h. Yaha par Pixel 2 ne boht space waste kari h. Front me itne bade bezels ab purane phones ki yad dila dete h. Islie display ke mamle me S9 jeet jata h.

Jesa ki mene abhi bola ki S9 display ke mamle me jeet raha h. To ye bhi argue karne ka koi matter hi nhi h. S9 ka display S8 se bhi 15% jada bright h. Ab jo pehle se hi itna bright aur vibrant tha usko aur bright kar dia h. To display ke mamle me 10/10. Pixel 2 me bhi OLED panel h. But wo colors aur brightness ke terms me thoda lower h. Aur 1920×1080 ka resolution bhi thoda kam hota h. Pixel 2 ka display bhi bekar nahi h. But agar compare kare to S9 boht jada age h display me Pixel 2 se.


Samsung hamesha se sabse jada features dene wala phone raha h. Aur usne apni parampara kayam rakhi h. Extra features jese ki headphone jack, wireless charging, SD card slot jo apko Pixel 2 me nhi milte S9 me mil jaenge. Ab ap agar Pixel lover h to ye bat pe argue kar sakte h. Ki agar 128 GB ki storage ka option h to fir memory card ki kya jarurat h. Sath hi wireless charging bhi itni jada usable cheej nahi h. But jab bat headphone jack ki ati h. To wo sabse jada kam ki cheej h jo Pixel 2 me missing h. Aur to aur Samsung boht hi shandar earbuds bhi deta h sath. Google kya deta h? bas ek USB-C to 3.5mm adapter. Headphone ka kharcha to alag se hi karna padega apko.

Abhi tak to sare patter S9 ke favour me khule h. But abhi Pixel 2 ke pas bhi kafi ache patte bache h. Pixel 2 ka software experience. Samsung walo sirf no of features bada dene se kuch nhi hota. Jab tak ap useful softwares nhi provide kar sakte. Pixel 2 me Android 8.1 Oreo boht smooth, clean, consistent aur great to use h. S9 me boht sare features h but usme se boht sare to kabhi use me hi nhi ate h. Adho ke bare me logo ko pta nhi hota. Aur adhe to literally kam ke nhi hote h.

Ye sare extra features background me chalte rehte h aur phone ki processing power lete h. Wahi par Pixel 2 ka kam ekdum clean aur simple h. Ab ye to sab ki apni soch h. But jo log Pixel use karte h wo samajh jaenge me kis bare me bat kar raha hu. Itna jarur kahunga ek bar Pixel use karne ke bad wapas Samsung lene ki icha to nhi hogi apki.


Also Read: Google Pixel 2 Hands on Review in Hindi

Final Decision: Akhir lena konsa chahie?

Bhai agar bat karne bethenge, to is comparison ka ant hi nhi hoga. But yaha par mostly core experience aur features ko mene compaare kar dia h. Exterior design, screen aur additional features dono ke kafi alag h. Yaha par do bilkul different approach apko dekhne ko milegi.

Galaxy S9 features ka king h. Features jese ki wireless charging, headphone jack, naya processor, badi battery aur sabse important bada aur acha display S9 ko Pixel 2 se acha banate h. Hardware thoda flashy h jo kafi logo ko attract karta h. But sath hi thoda fragile bhi h. Wahi par Pixel 2 thoda rough tough h aur simple to use software ke sath ata h.

Pixel 2 me wo sabhi core features h jo ek user ko chahie hote h. Even usse thode jada hi h. Bhale hi jada cheeje nahi h jisko dekh k ap attract ho. But apke kam me ane wali har cheej apko Pixel 2 me mil jaegi. Sivae headphone jack k. Jesa ki mene bola apko sare usable features Pixel 2 me mil jaenge. Bas itna hi kahunga ek bar use kar ke dekh lo apko pata chal jaega me kis bare me bat kar raha hu. Camera to proven h ki Pixel 2 ka hi better h. Sath hi Google ka direct support ka track record bhi kafi acha h.


Finally, Jab hum pricing ki bat karte h. Dekho high-end smartphones h to prices to humesha badhti hi h. But fir bhi Pixel 2 itna hawa me to nahi h jitna Galaxy S9 h. Pixel 2 apko 52,999 me mil jaega. Sath hi ap 10,000 tak ka cashback le kar sirf 42,999 Rs me hi Pixel 2 le sakte h. Galaxy S9 57,900 Rs ka h. Isme bhi apko 6000 ka cashback mil sakta h. But fir bhi iski price 51,900 Rs hi rahegi. Dono ki effective price me lagbhag 9,000 Rs ka gap h. Jo ki kafi bada gap h aur decision ko effect karne layak h.

Agar ap apke phone ko bar bar girate h, clean aur simple software experience chahte h sath hi apne 9,000 Rs bachana chahte h. To Pixel 2 hi apke lie better option rahega. But agar ap thoda jada spend kar ke headphone jack, wireless charging chahie to S9 le sakte h. But sirf ek headphone jack ke lie 9,000 Rs jada dena! I don’t think ki sahi hoga. Ap Pixel 2 me bhi connector laga ke normal headphones use kar sakte h. Ya fir 2,500-3000 Rs me ache bluetooth headphones le sakte h.

Best Budget Bluetooth Earphones in India 2018

To ab apne apna decision mana hi lia hoga. To abhi lene ke lie niche di hui links ka use kar sakte h. Sath hi ap comment kar ke ye bhi bataiye ki apko konsa phone better laga aur kyu?

Pixel 2 from Flipkart 

Galaxy S9 from Flipkart

Also Read:

Samsung Galaxy S9 vs Galaxy S8. Upgarde kare ya nahi?



Samsung Galaxy S9 vs. Google Pixel 2: Konsa Kharide?
Share:

Comments

comments

Tagged on:             

Samyak Talesra

Engineer by education, Blogger by profession, Passionate for technology.Co-Founder at Vyavasthit.com Founder at [email protected] on almost all social media.